Их Монгол улсаа байгуулсаны түүхт 803 жил, Ах-ын яруу алдарт 88 жилийн ойн хүчит бөхийн барилдааны 9-ийн даваа. Баруун зүүн жигүүрийн засуулуудыг ханаруулан Монгол бөхийн торгон ногоон дэвжээнээ дэвэн дэвсээр гарж ирсэн аварга арслан хоёрын барилдаан төв цэнгэлдэх хүрээлэнд хуран цугларсан олныг суудлаас нь өндөлзүүлсэн үзүүштэй сайхан барилдаан болсон билээ. 512 хүчтэнээс уран мэх, хурц ухаан, дайчин барилдаанаараа бусдыгаа манлайлан түрүү үзүүр булаалдахаар шалгаран үлдсэн аварга арслан хоёрын барилдааны үндсэн цаг дуусч хаялцах барьц буюу шахааны барьцанд хүрж барилдахаар болсон бөгөөд шодолт аварга Өсөхбаярын талд таарсан хэдийч хаялцаагүйн улмаас арслан До.Ганхуягийн талд барилдаан эргэж мөн л хаялцаагүй билээ. Нэг нэг удаа шахааны барьц аваад хаялцаагүй хоёр бөхийн барилдны ээлжит барьц сонголт дүрэм есоор Өсөхбаяр аваргийн талд таарсанаар наадмын түрүү бөх тодорсон билээ. Ийнхүү арслан До.Ганхуяг төрийнхөө их баяр наадамд 1 түрүүлж 1 үзүүрлэсэн бол аварга Өсөхбаяр төрийнхөө их баяр наадамд 4 удаа түрүүлж 1925 онд үзүүрэлж 1926, 1927 онуудад түрүүлж ардын төрийн наадамд  анх удаа дараалан хоёр түрүүлсэн бөхөөр тодорж байсан олноо Буур Жамъян хэмээн алдаршсан өвөөгийнхөө 110 жилийн ойгоор "Даян аварга" цолыг хүртлээ.