Монгол улсын заан О.Одгэрэл: Би бусад бөхчүүдийг бодвол харьцангуй багаасаа барилдсан.  Долоон настай байхдаа анх самбо бөхийн секцэнд орж байлаа. Одоо нас 40 хүрч байна гэдэг чинь 30 гаруй жил барилдчихаж. 2001 онд заан цол авсан. Ч.Батзориг, Д.Бумбаяр, И.Доржсамбуу бид нэг жил заан болсон юм. Зарим хүний хэлдгээр намайг заанаас илүү амжилт гаргаж арслан, гарьд болох байсан гэдэг бол худлаа. Гэхдээ надад нөөц бол байсан байх. Би ашиглаж  чадаагүй болохоос биш. Түүндээ би харамсдаггүй. Тэгчих байж, ингэчих байж гэж хожим нь амаа барих дургүй хүн. Энэ жилийн сар шинээр зодоглоогүй. Бэлтгэл хийхийг болиод байгаа. Эмч бэртлийн улмаас бэлтгэлээ зогсоо гэж зөвлөсөн. Харин улсын наадмаар бол ногоон дэвжээндээ дэвээд гаралгүй яахав. Надаас хөгшин бөхчүүд зодоглоод байдаг юм чинь.