Бөх судлаач Нацагдоржийн Зоригтбаатарын бичсэн "Эгнэшгүй хүчит Намхай аварга" хэмээх нэн сонирхолтой ном уншигчдын гарт очлоо. Зохиогч Монгол үндэсний бөхийн нэгэн алдар түүхт бөх Намхай аваргын тухай олон жилийн судалгааныхаа үр дүнд энэ номыг бичжээ. Номыг уншаад Халхын алдарт их аварга Намхайн хосгүй хүч чадалд бахархах сэтгэл төрөв. Энэхүү судалгааны эх сурвалж нь архивын баримт бичиг, зарим итгэлтэй дурсамжинд үндэслжээ. Монгол үндэсний бөх бол Монголыг эртний уламжлалт эрийн гурван наадмын нэг билээ. Монгол үндэстний бөхийн хосгүй дээд амжилтыг тогтоож байсан Шагдаржавын Сандаг-Очир хэмээх Намхай аварга нь хуучин Түшээт хан аймгийн Дайчин Вангийн хошуу өнөөгийн Булган аймгийн Сайхан сумын харьяат бөгөөд түүнйй төрсөн ах Шагдаржавын Лувсанжамба аварга гэж их бяртай бөх байсан нь тушээт ханы ах дүү хоёр аварга хэмээн алдаршиж байжээ.

Хүмүүн төрөлхтний соёл иргэншилд Монголчуудын оруулсан хувь нэмрийн нэг бол Монгол бөх билээ. Монгол бөх нь нийгмийн хөгжлийн явцад улам боловсронгуй болон хөгжиж ирсэн гайхамшигт соёл юм. Монгол бөхийн түүхэнд домог болон үлдсэн алдарт бөхчүүд олон байсан боловч судлагдаж нийтийн хүртээл болсон  нь цөөн билээ. Тийм алдартны нэг нь олон түмний дунд Түшээт ханы Намхай аварга хэмээн алдаршсан нэгэн их хүчтэн юм. Зохиогчнйн судлан тогтоосноор Намхай аварга халх долоон хошуу даншиг, арван засгийм наадам, зарим их тахилгын наадамд 26 удаа барилдсанаас завсаргүй 10, завсартай есөн удаа, бүгд 19 удаа түрүүлж, долоо удаа үзүурлэсэн нь Монгол бөхийн түүхэнд бараг давтагдашгүй дээд амжилт юм гэж зохиолд бичсэн байна. Долоон удаагийн үзүүрийн дөрөвт нь өөрийн төрсөн ах Ш.Лувсанжамбадаа бууж өгсөн явдал байсныг судлаач ажиглажээ. Хамгййи сонирхолтой нь энэхүү судалгааны ном гарч буй 2010 он бол Түшээт хан Гомбодоржийн гуравдугаар хөвгүүн Занабазар гэгээнтнийг Монголын бурхны шашны тэргүүн Анхдугаар богдод өргөмжилсөний их баяр Бат оршил өргөх Даадам анх болсны 370 жнлййи ой, Намхай аваргын мэндэлсний 140 жилийн ойтой зэрэгцэж буй түүхт ойн жил юм. Ийм учир Монгол бөхийн түүхэнд тэмдэглэгдэх дээрх чухал үйл явдалд зориулсан Монгол бөхийн их баяр наадмыг зохион байгуулах нь зүйтэи юм. Үүнд Монголын Үндэсний Бөхийн холбоо. Түүний төрсөн нутаг Булган аймгийнхан анхаарч ийм наадам зохион байгуулбал бөхөө хүндлэн дээдэлдэг бөхдөө хайртай монголчуудын таашаал, талархалд нийцсэн чухал баяр болно хэмээн үзэж байгаагаа дурдсан байгууллага хүмүүс та бүхний сонорт дэвшүүлж байна.